|
تحية وترحيب
إنشاء
صفحتي الشخصية على "الفيس بوك"
15/02/2010
بابا بيقول: لسه صغيرة كتير على الانترنت... لحتى
يوم 17 شباط الجاري (2010) بيكون عمري صار 3 اشهر بس... يعني أولكن لازم
صدقو !؟.
 أوعى
تفكروا انو هاي صورتي... لا أبدا... لأن البابا ما بحب ينشر صوري قبل ما
اكبر وياخد رأيي فيها... أنا أصغر من هيك بكتير.
يعني يادوب عندي شوي شعر (قصدي وبر) على راسي.
بس إذا بدكن تعرفوا ليش البابا اختار هاي الصورة فلازم تقروا القصيدة يلي
كتبها معها قبل ما أجي على الدنيا بشي 3سنين... وهي موجودة على العنوان
هاد:
أمل لن تأتي
بس يومها كان اسمي أمل... يعني هادا اسم مجازي... وأنا برأيي انو لازم يعمل
لألي قصيدة يخبر بجيتي... وإلا شو رأيكن ؟.
بتعرفوا أنا راح أتشكركن كتير على مشاعركم الحلوة... واكتر شي إذا قبلتوا
تلعبوا معي هاللعبة... وتحكوا معي وكأنني واعية وموجودة بيناتكن.
بصوت البابا... بصوتي... أنا شوي... هو شوي... يا ترى راح يقدر ينوب عني
وينقل مشاعري... أكيد ماراح اعرف هالشي هلأ... أكيد بعد سنين كتير...
وعندها سأختبر صدق ترجمته لمشاعري.
ومن هلأ لهداك الوقت، راح البابا يصنف كل هالحكايات في هالقسم الخاص
بالمواضيع الأدبية... من شان يقدر يراجعها... ومين بيعرف يمكن تصير مشروع
لقصة أو سيرة عني ويتغير اسمها من "حكايات آية" إلى "مغامرات آية".
أكيد راح يكون إلنا حديث تاني... وراح احكيلكن عن حالي اكتر... يعني من هلا
عرفتوا إني كرارة... وهالشيء يمكن يكون وراثة... من الماما أو من البابا...
ما بعرف... بس الحكي حلو مو هيك... متل الضحك... بأوي عضلات الوجه والقلب
وبينعش الوجدان.
بالنسبة للصور ما تستعجلوا كتير عليي... يعني البابا الو موقف من
الموضوع... راح وضحو بعدين... بس أكيد بالإنسان أشياء كتيرة أهم من الشكل
الخارجي (الصورة) ممكن انو يتواصل بواسطتها مع الغير... يعني تصبحوا على
خير.
آية الصوفي جنيف في
15/02/2010
لقراءة الحكاية 1 مع
التعليق على الفيس بوك
 
|
15 février, à 12:08
-كم عمرك انتي ؟
-شلون هالشغلي صارت 3 اشهر ؟ ما بعتقد انو الي عمرو 3 اشهر بيعرف
يكتب؟؟؟
-الجواب مانو مقنع لأنو كمان شهرين ما بقولو غير ماما وبابا
-بدي اتحرى الأمر قبل الهدية |
 |
|
15 février, à 14:57
لله يسعدا ويحميا ويجعلا من الصالحين |
 |
|
15 février, à 15:16
يا عيني عالفايسبوك من عمرك ثلاث اشهر ما تخافي ما راح قول لحدي |
 |
|
15 février, à 18:14
مرحبا آية نورتي الفيس بوك والله ما بدي وصيكي لا تقبلي اضافات
من مين ما كان بنات الصوفي محافظات وهيك بدنا ياكي :)))) |
|
|
15 février, à 19:05
سلامي لاصغر بنت في
الفايسبوك وهيا انشري لنا كم صورة لك وسلملنا على الماما |
 |
|
15 février, à 19:22
Bonsoir ma petite soeur,petite jolie soeur tree MimI Tree
gentille petite soeur ausii doux que les petit chatons de la
Syrie et. :D |
 |
|
15 février, à 20:28
مبروك للوالدين ولآل الصوفي آيتهم.. وعقبال مانشوفها أديبة كبيرة
كمبدعي آل الصوفي في حمص .. وناشطة ثقافية كأبيها على الفيس بوك
وفي كافة ميادين الابداع الاخرى.
الكاتب محمود ياسين |
 |
|
15 février, à 21:18
اهلين اختي نورت والله الفيس بوك بوجودك
, قلت لحالي ليش
سلامات للوالدين ولا تتأخري بالنوم سلامات ^^ |
 |
|
21
février, à 15:42
العمر كله يا آية |
|
|
